17-07-1985(3)

రెక్కలాడితే గానీ బొక్కలాడడం సంభవం కాని జనం నూటికి తొంభై మందికి పైగా ఉన్న దేశంలో పని విలాసం కాదు. తన కడుపు నింపుకోవడానికే తాను పొద్దస్తమానం పని చేయక తప్పదు. ఆంతచేసినా ముప్పూటా ఇంత ముద్ద దొరుకుతుందన్న నమ్మకం లేదు. ఈ కర్మ పరతంత్రత తప్పనిసరి. ఎవరినో ఉద్ధరించడానికి కాదు. తన సంతానాన్ని సుఖపెట్టడానికీ కాదు.... తాను జీవించడానికి మాత్రమే. అందుతో కటకటగా ఏదో కలో అంబలో దొరికితే చాలునని కర్మభూమికే అంకితమైపోయిన జనం అనుకుంటారు. అకర్మణ్యత వారికి గిట్టదు. నిర్వ్యాపారత్వం వారికి పడదు. ఏదో శ్రమించాలి. ఏదో ఇంత కడి సంపాదించుకోవాలి.