Tuesday 19 June 2007

తప్పులెన్నువారు(2) - 1983

పని చేయని వారు పలువురు. వారికి ఏంచేయాలో తోచదు. పదుగురకు పనికివచ్చేదేదో చేసి చూతాం అన్న ఆలోచనే వీరికి రాదు. కదిలితే కందిపోతామేమో అని కలత చెందిపోతూ ఉంటారు. ఎదిరిని విమర్శించడం, వారినీ కదలకుండా దిగ్భంధనం చేదామని చూడడం - ఇదే వీరి పని. మాటలతో ఏమీ కాదని తెలిసినా వాటితోనే గాలిమేడలు కడుతూంటారు. గంధర్వ నగరాలు నిర్మిస్తూంటారు. ఏం చెప్పినా, పోదురూ అదెక్కడ సాధ్యం? అని సాగదీస్తూంటారు. ఏ పనిలోనైనా ఏవో సాధకబాధకాలుండకపోవు. కేవలం అందులోని ఇబ్బందులే చెప్తూ, వాటినే చూస్తూ పోతే ఇక ఎవరూ ఏమీ చేయలేరు. అసలలా చేయకపోవడమే వీరికి ఇష్టం. నిర్వ్యాపారత్వం కాపురుష గుణమని పెద్దలన్నా వీరు పాటించరు. పనికిమాలినవారై ప్రతిదానికీ పరాజ్ఞ్ముఖులై పరమోత్తమమైన పని అయినా అది కానిదీ పోనిదీ అని ఆటంకపరుస్తూ ఉంటారు.

#కాపురుషుడు = పిరికివాడు, కుత్సిత బుద్ధి కలవాడు
#పరాజ్ఞ్ముఖుడు = పెడమొగము పెట్టుకొనేవాడు

No comments: